Прэзідэнт Беларусі Аляксандр Лукашэнка традыцыйна на свята 9 Мая прыняў удзел ва ўрачыстых мерапрыемствах у гонар Дня Перамогі. 

09.05.2026г. Прэс-служба Прэзідэнта Рэспублікі Беларусь

Кіраўнік дзяржавы ў Мінску ўсклаў вянок да манумента Перамогі. Разам з Аляксандрам Лукашэнкам удзельнікамі цырымоніі сталі трое яго сыноў.

Да помніка ўскладзены таксама вянкі і кветкі ад кіраўнікоў рэспубліканскіх органаў дзяржкіравання, прадстаўнікоў Усебеларускага народнага сходу і Нацыянальнага сходу Рэспублікі Беларусь, судовага корпуса, ветэранскіх арганізацый, сілавых структур, грамадскіх аб'яднанняў і палітычных партый, актывістаў з ліку прадстаўнікоў грамадскасці.

Аляксандр Лукашэнка і ўсе ўдзельнікі цырымоніі на плошчы Перамогі ўшанавалі памяць загінулых герояў. "Мы можам шмат, доўга гаварыць пра цану Перамогі, пра наш боль, пра наш гонар. Але самая вялікая прамова ў памяць аб кожным, хто набліжаў пераможны май, але не ўбачыў яго салюты, - мінута маўчання. Народнага маўчання на славу бессмяротнага подзвігу", - сказаў Прэзідэнт, аб'яўляючы мінуту маўчання.

Прэзідэнт нагадаў, што Беларусь у той вайне страціла кожнага трэцяга свайго жыхара. "Незаменная для нас страта і страшная цана за тое, каб патухлі печы Асвенціма і Трэблінкі. Каб больш ніколі з усходу на захад не ішлі эшалоны з рабскай рабочай сілай, багаццем роднай зямлі. Тады, у 1945-м, кожны савецкі воін, які прайшоў праз вызваленую Беларусь, ведаў, што ён пойдзе дале    й, да самага Берліна. Па дарозе свяшчэннай барацьбы дабра са злом", - падкрэсліў беларускі лідар.

Пасля прамовы Кіраўніка дзяржавы цырымонія прадоўжылася выкананнем дзяржаўнага гімна Беларусі ў суправаджэнні залпаў артылерыйскага салюту і ўрачыстым маршам зводнай роты ганаровай варты і аркестра Мінскай ваеннай камендатуры. На завяршэнне быў выкананы музычна-тэатралізаваны нумар "Памяць у нашых галасах!".

Кіраўнік дзяржавы на заканчэнне ўрачыстага мерапрыемства пакланіўся ветэранам са словамі падзякі і прывітаў прадстаўнікоў дыпкорпуса, якія прысутнічалі на Плошчы Перамогі. 

Прэс-служба Прэзідэнта Рэспублікі Беларусь