Прэзідэнцкая бібліятэка прадставіла ўнікальныя выданні і дакументы да 30-годдзя Канстытуцыі Рэспублікі Беларусь і інстытута прэзідэнцтва.

Гісторыя Прэзідэнцкай бібліятэкі Рэспублікі Беларусь налічвае больш за 90 гадоў. Дзейнасць Прэзідэнцкай бібліятэкі Рэспублікі Беларусь накіравана на садзейнічанне ўмацаванню і развіццю беларускай дзяржаўнасці, а таксама прававому, культурнаму, сацыяльнаму і эканамічнаму развіццю нашага грамадства.

Ала Пендо, намеснік дырэктара Прэзідэнцкай бібліятэкі, паведаміла, што супрацоўнікамі бібліятэкі быў праведзены маніторынг беларускіх кнігарняў:

– І мы высветлілі, што ў нашых крамах друкаванае выданне Канстытуцыі ў абавязковым парадку прысутнічае, прычым ад 10 да 526 экзэмпляраў. Зрэшты, ва ўсіх магазінах нас запэўнілі, што неабходная колькасць экзэмпляраў у бліжэйшы час спажыўцу пры неабходнасці будзе дастаўлена. Кошты таксама вельмі дэмакратычныя: самае, мабыць, даступнае па кошце выданне Канстытуцыі каштуе 1 рубель 32 капейкі, самае дарагое выданне, выяўленае намі, - падарункавае, якое складаецца з дзвюх кніг: Канстытуцыі Рэспублікі Беларусь на рускай мове і на беларускай мове, аб'яднанае падарункавым пакаваннем- корабам. Яно каштуе 36 рублёў 85 капеек.

Ала Пендо далей дадала:

- Ёсць і ўнікальнае выданне, якое ўваходзіць у топ продажаў, - гэта выданне кішэннага фармату, упершыню прадстаўленае ў выглядзе падарункаў падчас адзінага дня галасавання - для ўпершыню галасуючых маладых выбаршчыкаў. Гэта была ініцыятыва Цэнтральнай выбарчай камісіі і асабіста яе Старшыні Ігара Васільевіча Карпенкі сумесна з камандай Нацыянальнага цэнтру прававой інфармацыі стварыць такое выданне.  Пры чым унікальна яно яшчэ і тым, што выраблена выключна з беларускіх матэрыялаў - пачынаючы ад паперы Добрушскай фабрыкі і заканчваючы вокладкай. То бок, гэта ва ўсіх сэнсах выключна беларускае выданне і пры гэтым вельмі папулярнае.

Беларусы захоўваюць сваю гістарычную памяць, адзначыла Юлія Сярмяжка, загадчык аддзела бібліятэчнага маркетынгу Прэзідэнцкай бібліятэкі: 

- Усе Канстытуцыі, якія прадстаўлены ў нас, маюць гістарычную каштоўнасць. Ёсць і ўнікальнае выданне, якога няма ў Прэзідэнцкай бібліятэцы, - Канстытуцыя Рэспублікі Беларусь, напісаная шрыфтам Брайля. Гэта выданне Нацыянальнай бібліятэкі Беларусі, але паколькі мы аб'яднаны ў міжбібліятэчны абанемент, пры неабходнасці нашаму чытачу гэтае выданне гэтак жа будзе даступна і дастаўлена.

Ёсць экзэмпляры Асноўнага Закона і ва ўсіх бібліятэках Беларусі. Гэтым маніторынгам, і падрыхтаванай намі выставай мы хочам паказаць, што Асноўны Закон нашай краіны - Канстытуцыя Рэспублікі Беларусь - даступна абсалютна ўсім грамадзянам нашай краіны.

Белпрэсцэнтр