Беларусь сёння, 17 верасня, адзначае самае маладое дзяржаўнае свята - Дзень народнага адзінства.
У бягучым годзе ён будзе святкавацца чацвёрты раз - адпаведны ўказ аб яго заснаванні Прэзідэнт Беларусі Аляксандр Лукашэнка падпісаў 7 чэрвеня 2021 года.

Дзяржаўнае свята прымеркавана да гадавіны пачатку ўз'яднання Заходняй і Усходняй Беларусі. Тады Чырвоная Армія перайшла мяжу з Польшчай і пачала паход, які называюць вызваленчым. Яго вынікам стала далучэнне Заходняй Беларусі да БССР.

Удзельнікі прэс-мерапрыемства, прымеркаванага да Дня народнага адзінства:

Квачан Сяргей Іванавіч - дырэктар Прэзідэнцкай бібліятэкі Рэспублікі Беларусь;

Паўлавіцкая Святлана Дзмітрыеўна - загадчыца аддзела старадрукаваных і рэдкіх выданняў;

Яфімавіч Лілія Уладзіміраўна - загадчыца сектара абанемента, міжбібліятэчнага абанемента і электроннай дастаўкі дакументаў (МБА і ЭДД).

Удзельнікам прэс-мерапрыемства былі прадстаўлены кнігі і перыядычныя выданні 20-30 гг. ХХ ст., якія адлюстроўваюць палітыку паланізацыі і розныя формы нацыянальна-вызваленчага руху ў Заходняй Беларусі.
Падчас мерапрыемства былі паказаны ўнікальныя архіўныя дакументы, звязаныя з падзеямі ўз'яднання беларускіх зямель.

Сярмяжка Юлія Мікалаеўна - загадчыца аддзела бібліятэчнага маркетынгу, правяла аглядную экскурсію па Прэзідэнцкай бібліятэцы Рэспублікі Беларусь.

Белпрэсцэнтр