28 верасня ў Маскве пачынае работу Расійска-беларускі экспертна-медыйны форум "Прамысловае і тэхналагічнае супрацоўніцтва Расіі і Беларусі. Навука. Космас. Адукацыя".

Эксперты абмяркуюць магчымасці сумеснай работы ў рамках касмічных праграм, а таксама шляхі ўзмацнення прамысловай кааперацыі ў рамках Саюзнай дзяржавы. Асаблівая ўвага будзе ўдзелена развіццю навукова-тэхналагічнай базы дзвюх дзяржаў і сумесным праектам у сферы вышэйшай тэхнічнай адукацыі.

Арганізатарамі форуму выступаюць Пастаянны камітэт Саюзнай дзяржавы і Міжнародная медыягрупа "Расія сёння".

Нацыянальны прэс-цэнтр Рэспублікі Беларусь арганізуе прэс-тур беларускіх журналістаў для ўдзелу ў мерапрыемствах Форума. У праграме тура наведванне арганізацый Расійскай Федэрацыі, якія ўдзельнічаюць у рэалізацыі сумесных праектаў і праграм у касмічнай сферы і не толькі.