-У горадзе Медынь Калужскай вобласці журналісты наведалі сярэднюю школу на 1000 навучэнцаў. Асаблівасць школы ў тым, што яна праектавалася і ўзводзілася сіламі беларускіх будаўнічых арганізацый.

Цяпер ва ўстанове адукацыі навучаецца каля 900 навучэнцаў не толькі з г.Медынь, але і з бліжэйшых населеных пунктаў.

Праект для Калужскай вобласці ўнікальны, водгукі пра беларускіх будаўнікоў толькі станоўчыя ?

У Медынскай сярэдняй школе ўведзена і добрая традыцыя: па панядзелках, новы тыдзень ва ўстанове адукацыі пачынаецца з урачыстага ўзняцця на цэнтральнай пляцоўцы каля ўвахода сцягоў Расіі і Беларусі.

- наведалі комплекс кінастудыі "ВаенФільм" у горадзе Медынь (Калужская вобласць).

Журналістам пашанцавала! Гэтымі днямі на пляцоўцы кінастудыі ідуць здымкі мастацкага фільма аб Вялікай Айчыннай вайне. Прадстаўнікі СМІ "акунуліся" ў здымачны працэс, а экскурсію для іх правёў заснавальнік кінастудыі, вядомы расійскі акцёр, рэжысёр і прадзюсер Ігар Угольнікаў.

- Музей гісторыі касманаўтыкі ім. К.Э.Цыялкоўскага ў г.Калуга.

Гэта першы ў свеце і найстарэйшы ў Расіі музей па касмічнай тэматыцы. Створаны пры непасрэдным удзеле канструктара С.П.Каралева і першага касманаўта Ю.А.Гагарына.

Экспазіцыі музея адлюстроўваюць гісторыю касманаўтыкі ад першага штучнага спадарожніка Зямлі да сучасных касмічных станцый.

Зусім нядаўна музей рэканструявалі і "пашырылі". Цяпер тут шмат унікальных экспанатаў і інтэрактыўных лакацый.